China leh Russia PM inhmu

China Premier Li Keqiang leh Russia Prime Minister Dmitry Medvedev-te chu Thawh-lehni khan Beijing-ah an inhmu a, ram pahnihte thawhdunna ṭha leh zau zawk neih dan turte an sawidun.

Communist Party of China (CPC)-in 19th National Congress an neih hnuah Medvedev hi ramdang hruaitu zinga China tlawh hmasa ber a ni a, hei hian China leh Russia inpawh ṭhat zia a lantir niin, Li chuan a sawi. Kawng hrang hranga Russia nena thawkdun turin China chu a inpeih a ni, a ti.

Li hian Medvedeve hnenah CPC National Congress neih tak chungchangte a sawipui a, Medvedev pawhin Congress hlawhtling tak an neih avangin lawmpuina a hlan bawk. Nimin khan ram hruaitu pahnihte hian 22nd China-Russia Prime Ministers' Regular Meeting an nei nghal a ni.