Trump leh Xi te'n meeting nei

US President Donald Trump chuan Nilaini khan South Korea aṭangin China a thleng a, Beijing-a Great Hall of the People-ah a lawmna inkhawm hi buatsaih a ni.

Nimin khan President Trump leh China President Xi Jinping-te chuan meeting an nei nghal a, an inkhawmnaah hian North Korea chungchang pawh an sawidun a ni.

US chuan NKorea ram thawhpui ram lian ber, China hian NKorea nuclear program titawp tura nawr nasa turin a duh a, mahse China chuan a nawr na tawk niin a lo sawi tawh thung.

Ram pahnih hruaitute hian insumdawn tawnna chungchang pawh an sawidun a ni. Nimin vek khan President Trump hian sumdawng liante a hmu bawk a, zanah a pualin China sorkarin zanriah a buatsaih sak bawk.