Typhoon Damrey vangin mi 106 an thi tawh

Vietnam rama kumin chhunga thlipui tleh na ber, typhoon Damrey tleh vanga thi chu mi 106 an tling tawh. Typhoon Damrey hi kumina Vietnam rama thlipui tleh 12-na a ni a, thlipui tlehin chhiatna a thlen vanga thi mi 106 an tlin tawh bakah, mi 197 in hliam an tuar a, chin hriat lohin mi 25 an awm mek bawk. Thlipui hian ruah a ken tel avangin tuikhuah tam tak kuang a liam a, heng bula chengte dinhmun chu a him lo hle niin Steering Committee for Disaster Prvention chuan a sawi. Kar khat chhunga ruahtui tla hi 1,700 mm a tling a, Nilaini thleng khan a la sur chhunzawm a ni.