Texas governor-in ṭawngṭaina ni puang

US-a Texas state governor chuan Pathianni hi an state chhunga biak-in beihna thlenga mi 26 thi chhungte leh hliam tuarte puala ṭawngṭaina ni, Day of Prayer atan a puang. Governor Greg Abbott chuan biak-ina pawikhawihna thleng chuan a tihrehawm hle tih a sawi a, Texas mipui leh ram pum mipuite chu Pathian hnenah chhiat tawkte tan thlamuanna leh damna dilsak turin a ngen a ni. 

Pathianni chawhma dar 11:30 hian pawikhawihna thlenga thite hriatrengna hun hman a ni ang. Sutherland Springs-a First Baptist Church chu Pathianni kalta khan Devin Patrick Kelley chuan silai nen luhchilhin, inkhawmte chu pawng kah a, mi 26 an thi a ni. He pawikhawihna thleng hi Texas state-a inkahna thleng rapthlak ber a ni tih Abbott chuan a sawi.