Colorado Walmart-a inkahna thlengah mi pathum thi
US-a Colorado state-a Walmart bulah mi pakhatin silai hmet puakin mi pathum a kaphlum.
Inkahna thlenna hmun hi Denvert khaw dai, Thorton-ah niin an ram huna Nilaini zanah a ni a, mi pahnih chu a hmunah an thi a, a hnuah silaia kah hliam hmeichhe pakhat chu damdawi-inah a thi ve leh a ni.
Thorton police-te chuan pawikhawihna thlentu hi man a la ni lo tih an sawi a, mahse an rinhlelh mi pakhat thlalak leh a car khalh thlalak chu an tlangzarh nghal a ni.
US-ah hian inpawngkahna a thleng fo a, kumtinin silai hmehpuah vanga thi hi mi 12,000 dawn an tling ziah a ni. Thla khat dawn liamtaah khan Stephen Paddock chuan Las Vegas, Nevada-a country music festival neihna hmunah silai a pawng kah tawh bawk a, mi 58 kaphlumin midang 100 chuangin hliam an tuar a ni.