IAEA inspector-ten Ukraine an tlawh dawn

Russia-Ukraine indona thleng mekah, Russia-in Ukraine chu radioactive material awmna, 'dirty bomb' hman a tum nia a sawi chungchangah, thil awmdan enfiah turin International Atomic Energy Agency (IAEA) inspector-te chuan Ukraine an tlawh dawn.

United Nations Security Council (UNSC)-in meeting a neih hnuah, IAEA inspector-te hi Ukraine rama nuclear facility pahnih enfiah tura tirh an nih tur thu IAEA director-general Rafael Grossi chuan a sawi. "Inpuhna a awm chuan endik a ngai a ni," a ti. Grossi chuan inspector-te hi an kalchhuah thuai tur thu a sawi bawk.

IAEA pawhin a hranin thu­chhuah a siam bawk a, inpsector-te chuan tun kar chhung hian Ukraine hi an pan tur thu a tarlang. Ukraine sorkar chuan Russia-in a puhna chu thu dik lo a nih thu leh, an nuclear facility-te pawh a hmun ngeia endik tura ngenna an thawn thu a tarlang.