Putin-a'n nuclear ralthuam hman an mamawh lo tih a sawi

Russia president Vladimir Putin chuan Ukraine beihna atan nuclear ralthuam an mamawh lo a, hman tumna pawh an nei lo tih a sawi.

Ningania international foreign policy expert conference-a thu a sawinaah, Putin chuan Ukraine beihna atana nuclear ralthuam hman chu awmze nei lo a ni tiin, an mamawh lo tih a sawi a ni. A hmaa a lo sawi tawh, "Russia venhimna atan a ṭul chuan engpawh kan hmang ang," tia a lo sawi nuclear ralthuam lam a tinzawnna a ni lo a, khawthlang ramten nuclear ralthuam hmang duh mai tur anga an sawina a chhanletna a ni tih a sawi bawk.

President Putin chuan US leh a thawhpui khawthlang ramte chu na taka sawisel zuiin, an duhdan anga ram dangte thunun tum a, game tenawm tak khelah a puh. Khawthlang ho policy chu buaina tipunlun tuah a puh bawk a ni.