Philippines rama ruahsur leh thlipui tleh vangin mi 31 an thi

Philippines rama thlipui, Nalgae tleh leh ruahsur nasain chhiatna a thlenah mi 31 an thi tawh a, chin hriat lohin mi eng emaw zat an la awm.

Ruahsur nasa hian tuilian a thlen bakah, hmun tam takah lei a min bawk. Chin hriat loha awmte zawn hna thawh mek a ni a, hetihlai hian thlipui tleh lehna tur nia sawi, Samar province-a cheng mi sang tel chu nimin khan hmun him lamah thiarchhuah an ni.

Chhim lama Sultan Kudarat province-ah tuilian tuarte chu coast guard-ten rubber boat hmangin an hruaichhuak a ni.

Philippines ramah hian leimin leh tuilian hi a thleng fo a, kum khatah thlipui tleh hi ṭum 20 vel an tuar ṭhin bawk.