Ukraine leh Russia president inbia

Ukraine president Volodymyr Zelensky leh Russia president Vladimir Putin-te chu Pathianni khan telephone-a inbiain, East Ukraine-a buaina chinfel dan turte an sawi dun. Hruaitu pahnihte hian nikum December 9-a Paris-a  Normandy Four summit agreement ziah a taka kalpui a nih dan turte an sawi. Hei bakah hian Donbas-a inkahhai puan a taka hman a nih thuai an remti dun bawk. Kum 2014, April thla aṭang khan East Ukraine-a sorkar sipai leh Russia thlawp helpawlte inbeihna hi a thleng reng a, mi 13,000 chuangin thih phah tawhin, mi dang 30,000 in hliam an tuar tawh bawk a ni.