Bangladesh-ah Rohingya nuai 8 chuang awm tawh

UN High Commissioner for Refugees (UNHCR) Filippo Grandi chuan Bangladesh ramah Rohingya Msulim raltlan nuai riat chuang zet an awm tawh tih sawiin, an dinhmun a ṭha lo hle niin a sawi.

UN official-te chuan August 25-a Myanmar-a Rakhine state-a sipaite'n beihpui an thlak hnuah khan Rohingya 607,000 zet chu Bangladesh ramah an lut tawh a, a hmain raltlan hi eng emaw zat an lo awm tawh bawk a ni, an ti. Nimin khan US State department palaite chuan Bangladesh hi tlawhin, raltlante dinhmun leh human rights chungchangte an sawipui dawn a ni.

Rakhine state-a tualchhung buaina a chhuah hnua a ṭum khatna atan Ningani khan Myanmar hruaitu Aung San Suu Kyu chuan he state hi a tlawh a, Muslim sakhaw hruaitute pawh a hmu a ni. Arakan Project monitoring group hotu, Chris Lewa chuan Suu Kyu-i hian thil pathum chauh a sawi a, mipuite chu thlamuang taka awm tur te, sorkarin a theih anga a puih zel tur thu leh, mipuite chu intibuai lo turte in a chah a ni. Suu Kyu-i hi sipai helicopter-in akal a, sipai, police leh state official 20 velin an ṭawimawm a ni.