Trump-a Twitter account titawp

US President Donald Trump-a twitter account chu Ningani zan khan minute 11 chhung tihtawp sak a ni.

Twitter chuan an tihsualah hian thupha chawina an tichhuak nghal a, an thawktu pakhat tihsual palh vanga thil thleng niin an sawi. He thil thleng hi president pawh hian a hre nghal a, White House chuan Twitter hi a bepawp nghal a ni.

Thuchhuah siamin, Twitter chuan President Trump-a account hi minute 11 hnuah a pangngai anga siamṭhat leh nghal anih thu a sawi a, thil thleng chu an chhui chian thu leh, hetianga tihsual lian hi a thlen tawh lohna tura hma an lak nghal thu a sawi.

President Trump hian kum 2009, March thla aṭang khan Twitter hi a hmang ṭan a, vawi 36,000 chuang tweet tawhin, follower maktaduai 41.7 a nei a ni.