Sharif-a thubuai ngaihtuah hun titlai

Pakistan court chuan an ram Prime Minister hlui, Nawaz Sharif-a eirua puhna thubuai ngaihtuah hun chu November 7-ah a sawn hla.

Nawaz Sharif leh a chhungte ṭhenkhat chuan London-a hmun an neih avangin eirua puhna thubuai an nei mek a ni. Mahse an puhna hi thu dik lo niin an sawi a, politics lama anmahni beihna hmanrua niinan sawi.

Kum 67 mi, Sharif-a hi rampawn lama a thil neih a zep avangin July thla khan Supreme Court chuan prime minister a nihna aṭangin alo ban tawh a ni. Court chuan National Accountability Bureau hnenah Sharif chhungkaw sum neih dan chu chhui turin a ti bawk.

Sharif-a hi hun eng emaw chen London-a a awm hnuin Ningani khan Paksitan-ah a kir a, nimin zing khan a fanu Maryam leh a makpa te nen Islamabad-a accountability court-ah an inlan a ni. Mahse court chuan November 7-ah an thubuai hi ngaihtutah turin lo ti a ni.