Vietnam-ah thlipui tleh vangin mi 20 thi

Vietnam ram laili laiah thlipui, Typhoon Damrey a tleh vangin mi 20 an thi a, chin hriat lohin mi 17 an awm bawk niin Central Steering Committee for Natural Disaster Prevention and Control chuan a tarlang.

Thlipui tleh vanga thi zinga 12 hi Khanh Hoa province mi an ni a, chin hriat loha awmte hi lawnga thawk, thlipui tleh vanga tuifinriata pil te an ni. Thli tleh hian chenna in 500 chuang a lenchhe bawk a ni.

Damrey thlipui hian ruahtui a ken tel avangin ruah nasa takin a sur bawk a, Binh Dinh province leh Quang Nam province-ah hmun tam takah lei a min a, leimin hian motor kawng leh rel kawngte a hnawhping a ni. Khanh Hoa leh central Phu Yen-ah chuan Inrinni chawhnu lam aṭang khan power supply pawh an nei lo.

Thli tleh hian November 6-11 chhunga Asia-Pacific Economic Cooperation (APEC) Leaders' Week neihna tur, Da Nang khawpui welcome gate leh billboard an siamte a len chhe nasa hle bawk a ni.