China-ah Covid-19 kai an pun vangin Lockdown an kalpui leh

China chuan Covid-19 hri kai an pun thar leh avangin khawpui leh province eng emaw zatah lockdown a puang leh.

Pathianni khan hri kai thar hi mi 2,898 hmuh chhuah thar leh niin, a zawnin ni hnih hri kai thar 2,000 chung lam an awm tawh a ni. Hei vang hian thuneitute chuan hri darh tur venna an kalpui leh ṭan.

Guangdong province-ah chuan district ṭhen­khatah kar liam ta aṭang khan inkharkhipna hi kalpui ṭan a ni. Mi maktaduai 1.8 chenna, Haizhu chu hri kai thar hluar lehna a ni. October 24-30 chhung khan Guangzhou-ah hian hri kai thar mi 1,110 an awm a, a hma ni sarih chhung hri kai chu 402 chauh an ni thung. Hri a darh zel tur venna atan inkhuahkhirhna hi an hmang leh a ni.

Nimin aṭang khan hri leng laka invenna turin Shanghai Disney Resort pawhin an resort pum chu tiam chin awm loin an khar.

Datong, Xining, Nan­jing, Xian, Zhengzhou leh Wuhan-ah pawh hri kai an pun leh avangin kar liam ta aṭang khan temporary lockdown puan a ni tawh bawk a ni.