Chinese team-in Nepal tlawh

Chinese high level team chuan Nepal an tlawh a, Nepal thuneitute chu ramri-a an inkalpawhna tur rel kawng siam dan tur an sawpui dawn.

Chinese firm chuan ramri kaltlanga Tibet Autonomous Region-a Kerung leh Kathmandu, Pokhara leh Lumbini-te inkalpawhna siam dan tur hi a lo zirchiang tawh a ni. China hian President Xi Jinping-a flagship project, Belt and Road Initiative (BRI) hnuaiah Nepal nena inkalpawhna tur rel kawng siam hi a tum a ni.

Nepal official chuan Nepal leh China team-te hian meeting an neih hnuah ramri bul, Keyrung hi tlawhin an enfiah nghal dawn niin a sawi. China team hi National Railway Administration vice minister-in a ho a, team member hi 23 an ni. China chuan Kerung-a transport infrastructure-te hi tunhnaiah a lo tihchangtlun sak tawh bawk a ni.

Kum 2016-a China firm-in zirchianna a neihah, China leh Nepal inkarah hian rel kawng pathum siam ani dawn nia sawi a ni a, hemi atana senso hi dollar tluklehdingawn li vel tura ruahman a ni.