UN member-ten Uyghurs chunga China sorkar chet dan dem

United Nations member 50-te chuan thuchhuah inṭawm siamin, East Turkistan-a Uyghurs leh Turkic mite chungah tharum thawh zawnga China sorkar chetdan an dem thu an sawi.

Thawhṭanni khan thuchhuah hi tichhuakin, East Turkistan chunga China chetdan demna thuchhuah an siamna hmasa ber niin East Turkistan Government in Exile (ETGE) chuan a sawi.

UN member ramten thuchhuah inṭawm an siam chu human rights chungchanga ngaihtuaha UN General Assembly Committee vawi thumnaah Canada-in member aiawhin an thehlut.

Uyghurs hnam chuan East Turkistan thlavang hauh zawnga UN member hmalakna chu fakin, US leh Europe ramte'n East Turkistan-a China invaivungna titawp tura ke an pen ang bawk hian khawvel ramdang te pawh hnambil tlem zawk chunga tharumthawhna thleng ṭhin titawp turin an ngen.

August 31, 2022 khan UN Human Rights Office chuan East Turkistan-a China chetdan rawng tak chu dan bawhchhiatna 'crimes against humanity' tiin a sawi.

October 12, 1949 khan China chuan a sipai, People's Liberation Army chakna hmangin East Turkistan a rûn a, December 22, 1949 khan ram hi lain, a thuneihna hnuaiah dahin a awp zui ta a ni.