France-ah Botero lim ru

France khawpui, Paris-a Bartoux gallery aṭangin milim hlu tak, Botero statue chu rukbo a ni a, police-ten rukru hi an zawng mek. He milim hi Colombian artist Fernando Botero siam niin nu leh a fa lim a ni a, US dollar 491,000 hu nia sawi a ni. Milim dahna gallery hi Frane Presidential palace awmna bul lawk, venhimna khauh tak hnuaia awm a ni a, mahse rukru hian he milim kg 10-a rit hi alarm pawh ri miah loin awlsam takin a ruchhuak a, gallery khar hnuah staff-ten a bo tih an hrechhuak chauh a ni. Botero hi kum 85 mi, Latin American artist a ni a, statue hi chi riat, size in ang lo vekin a siam a ni.