Syria-in IS lakah hnehna puang

Syria sipaite chuan Islamic State (IS) lakah hnehna an chang ta niin Ningani khan an puang.

Syria sipaite hian IS firfiakte kuta an ram khawpui la awmchhun, Iraq ramri bula Albu Kamal khua chu an la let leh ta tih sawiin hnehna an chan thu an puang. Hetih lai hian Albu Kamal khaw bulah hian firfiak leh sipaite hi an la inbei chhunzawm reng a ni.

IS firfiak hian kum 2014 khan Iraq leh Syria ram chhung hmun eng emaw zat chu lain, Islam lalram an din thu an puang a ni. Mahse Syria leh Iraq sipaite chuan firfiak ram lak hi laklet tumin beihpui an thlak nghal a, firfiakte kut aṭang hian khawpui pawimawhte an la let leh tawh a ni. Syria sipaite hi Iraq-a Shia fighter-ten an pui bawk a ni.

Syria army commander chuan firfiak hi tlema zawng an la awm a, an zinga tam zawk chu thah niin tam tak an tlanchhe bawk a, heng mite hi khawchhak leh hmarlam thingtlang khuaahte an tlanchhia niin a sawi. IS hotute dinhmun chu hriatchian ala ni lo a, sipaite bomb thlakah an thi nge, pawikhawihna dang thlen tumin an biru tih hriatchian a ni lo.

IS hout lu ber, Abu Bakr al-Bahgdadi-a chanchin hriat hnuhnun ber chu September thla kha niin, audio record a tichhuak a, Islamic sipaite chu hmun tinah awmin, Islam lalram dinna turin an bei chhunzawm zel tih asawi a ni.