Catalan Speaker hlui bail-in chhuah

Catalonia Parliament Speaker hlui, Carme Forcadell-i chu bail-a chhuah a ni.

Parliament Speaker hlui, Forcadell-i hi Spain aṭanga indan tuma hma la tu zinga puha ban zingah leh, Catalan hruaitu hlui man zingah a tel a ni. Ningani khan Madrid-a Supreme Court-ah a inlan a, court chuan euro 150,000 dahkham a, bail-a chhuah a phalsak a ni.

Forcadell-i rual hian Catalan hruaitu dang pali mante pawh euro 25,000 dahkham a, bail-a chhuah phalsak an ni bawk.

Spain Constitutional Court chuan Catalonia bial-in Spain aṭanga independence a puan chu dan kalh tiin a hnawlsak a, Catalonia regional government-a hruaitute chu banin, sorkar laipui rorellna hnuaiah a dah a, December 21-a inthlang turin a ti bawk. Catalan hruaitu ban zing pariatte chu sorkar laipui laka hel, sorkar dodal zawnga thiltiah puhin manna thupek tihchhuah a ni a, chhui zui mek an ni bawk