US-in Venezuela blacklist-ah official 10 telh belh

US chuan Venezuela official ṭhenkhat hrekna a siam, blacklist-ah mi 10 a telh belh.

US Treasury Depart-ment chuan blacklist-a official hlui 10 an telh belhte chu inthlan kalphung leh media censorship palzut leh, sorkar hnuaia food program hnuaia eiruknaa inhnamnawih niin a sawi.

Official hrek zingah hian Venezuela minister of urban agriculture Freddy tAlirio Bernal Rosale, culture minister ruat thar Ernesto Emilio Villegas Poljak leh Italy-a Venezuela ambassador Julian Isaias Rodriguez Diaz-te an tel. Blacklist-a telh an nih tak avangin US-a an thil neihte chu khawih chet theih loha hreksak an ni dawn a, sumdawnna lamah pawh US mi leh sa nena an thawhdun khap a ni bawk ang.

US hian June 13 khan Venezuela sorkara official 13-te hrekna tur hi a lo tichhuak tawh a ni. Heng official-te hian October 15-a inthlanpui an neihah, rorellai party in hnehna an chan chhunzawm theih danah dik lo taka thil kalpuiah puh an ni. Hetih lai hian Venezuela sorkar chuan US thiltih dan hi a pawm loh thu a sawi thung.