Russia-in Ukraine energy system 40% tihchhiat sak tawh

Russia leh Ukraine indona thleng mekah, Russia chuan Ukraine power plants leh line-te a beih avangin, energy system 40% vel a tihchhiatsak tawh. Hei vang hian hun eng emaw chen chu Ukraine mi tam takte chu kawlphetha nei loin an awm tawh a ni.

Ukraine khawpui, Kyiv chuan power supply lamah harsatna a tawk mek. Kyiv mayor Klitschko chuan Russia chet dan chu firfiaka chetna, mipui suat tumna a ni, a ti. "Russia president Vladimir Putin chuan Ukraine mi a mamawh lo a, a ram chauh a duh a ni. Hei vang hian mipuite suat tumin hma a la zel a, keini ho chu min tihhlum a, vawtin a hmehhlum tura min dah emaw, hmun danga tlanchhiat ngaia min siam a, kan ram hi neih a tum a ni," a ti.

Thlasik laiin Kyiv khawpui hi freezing point hnuai lamte a ni ṭhin a, zan lamah phei chuan a vawt zual hle. Mayor Klitschko chuan power leh tui supply siamṭha turin theihtawp an chhuah mek tih a sawi. Khawpui chhungah health shelter 1,000 an siam tih a sawi bawk.

Khawpuia cheng mi tam tak chuan power leh tui supply ṭhatna, khawpui daia an chhungte leh ṭhiante bulah awm dan tur ruahmanna an siamte pawh a ngai dawn a ni, tiin Klitschko chuan a sawi a ni.