Missile test ṭhin hi SKorea leh US beihna tur lo zirna a ni: NKorea

North Korea sipai chuan tun hnaia missile an enchhin fo chu an hmelma, South Korea leh US-te airbase leh warplane beihna tur an lo zir lawkna a ni tih a sawi.

Kar liam ta pawh khan NKorea hian missile 10 chuang enchhinin, South Korea leh Japan ram pawh a tiralkhel hman hle a ni. Heng missile a enchhinte hi US-SKorea air force-ten joint drill an neih a duh lohzia a lantirna niin, joint drill chu an ram beihna tura an inbuatsaihna niin a puh. Kar liamtaa missile a enchhinte hi short-range deuh vek an ni a, an zinga a tam zawk chu nuclear ralthuam phur thei an ni.