Pakistan SC-in Imran Khan beih chungchangah FIR ziaklut turin hriattir

Pakistan Supreme Court chuan Punjab police hotu, Faisal Shahkar hnenah silai hmanga prime minister hlui Imran Khan beih a nih chungchangah FIR ziakluh thuai turin a hriattir.

PM hlui, Pakistan Tehreek-e-Insaf (PTI) party hruaitu Imran Khan hi kar liam ta Ningani khan an party-in rally an neihna hmunah silaia kah niin, a keah kah hliam a ni a, midang 10 pawh kah hliam ni bawkin, pakhat a thi a ni. Khan chuan amah thah tuma beihna ngei a ni tih sawiin, Pathianni thleng khan he pawikhawihna thleng vang hian police lamin FIR an la ziak lut lo tih a sawi. Complaint a thehluha Army general hming a sawilan chu a paih leh phawt loh chuan thuneitute chuan case hi an ziaklut duh lo niin a sawi a ni.

Khan-a'n FIR ziahluh a la nih loh thu a sawi hnuah, Thawhṭanni khan Supreme Court chuan Punjab province police hotu hi darkar 24 chhunga FIR ziaklut tura hriattirin, ziahluh a nih loh chuan court chuan a ṭul angin hma a la zui dawn tih a sawi nghal bawk.