Iran-a nawrh huaihawt chungchang chhuahtu journalist-te vau

Iran rama sorkar laka lungawi lohna lantira nawrh huaihawt ṭhin tichhuaktu, British-Iranian journalist pahnihte chuan Iran security force hnen aṭangin thahah vauna an tawk.

London-a hmunpui nei, Iran International TV channel, Volant Media chuan an journalist-te hian Islamic Revolutionary Guard Corps hnen aṭangin thaha vauna an tawk tih sawiin, hei independent media hrekbeh tumna lian tak a ni, an ti. Journalist pahnihte hi London aṭangin an thawk a ni.

Volant Media thupuangtu chuan Revolutionary Guards chu UK-a press mite zalenna an rahbeh sak an remti dawn lo tih a sawi. An channel hian Iran police-te kuta a awm laia thi, hijab dan zawm ṭha loa puha man Mahsa Amini thih dan chungchanga Iran ram chhung hmun hrang hranga lungawi lohna lantirte chu an tichhuak ṭhin.