Vietnam-ah APEC summit hmang

Asia-Pacific Economic Cooperation (APEC) summit chu Vietnam-a Da Nang-ah neih ani a, Inrinni khan ram hrang hrang hruaitute chuan World Trade Organization tihchangtlun an remti.

Summit-ah hian ram hruaitute chuan Free-Trade Agreement of the Asia-Pacific (FTAAP) kalpui an remti bawk a, ram dangte nen insumdawnna ṭha taka kalpui a nih theihnan, midang nek chep tumte laka khauh taka hmalak an remti bawk. Bangkok Agreement tia hriat ṭhin, Free-Trade Agreement of the Asia-Pacific (FTAAP) hi kum 1975 khan siam a ni a, hei hi Asian-Pacific ram zinga sumdawnna lama thawhhona upa ber a ni. He inremna siamah hian Bangladesh, China, India, Lao, South Korea leh Sri Lanka-te an tel a ni.

APEC summit-ah hian US President Donald Trump leh Russia President Vladimir Putin te chu inhmuin hun reilote an ti ti a, hei hian ngaihven a hlawh hle. Hruaitu pahnihte hian Syria buaina chungchang an sawidun a, sipai chakna hmanga buaina hi chinfel chi a ni loh thute an sawi niin Russia sorkar chuan a tarlang. Trump leh Putin hian Islamic State (IS) firfiakte doletna kawnga thawhdun zel an remtih thute an sawi a ni.