Saudi hmeichhiate 'family section' ah ṭhuttir dawn

Saudi Arabia sorkar chuan nakkum aṭangin sports stadium chhungah hmeichhiate an luh a phalsak tawh dawn a, mahse 'familey section' ah chauh an ṭhut phalsak a ni thung ang. General Sports Authority chuan an ram khawpui, Riyadh leh khawpui dang pahnih, Jiddah leh Damman-a sports stadium liante chu hmeichhiate ṭhut theihna tur, family section siam tur hian siamṭhat a ni dawn tih a sawi. Saudi Arabia ramah hian hmeichhiate'n khuahkhirh an la tawk nasa hle a, restaurant leh cafe tam takah hmeichhia te tan luhna hran leh ṭhutna hrante siamsak an la ni.