UK PM Sunak-a senior cabinet minister-in banna thehlut

UK prime minister thar Rishi Sunak-a senior minister leh a thawhpui ṭha tak, Gavin Williamson chuan tun hma lama a thawhpuite tihduhdah, bully-a puh a nih avangin Thawhlehni khan banna a thehlut. PM Sunak-a cabinet member zinga banna thehluh hmasa ber a ni.

Williamson hi prime minister Theresa May hnuaia defence secretary a nih lai khan, Ministry of Defence-a senior worker-te a hauhnaah, an hrawk zai turtein a ti niin media report chuan a tarlang. Hei bakah hian Conservative MP dangin a thawhpuite tihduhdaha a puhna dang pawh a awm. November 9 khan Williamson-a chief whip a nih laia deputy hlui, AnneMilton chuan office-a a chetdan chu a hlauhawm theih thu a lo sawi tawh bawk.

PM Sunak chuan Williamson banna thehluh hi a pawmsak a, a hma­lakna hrang hranga a thlawp avanga lawmthu sawiin, Con­servation sorkar leh party tana theihtawp a chhuah chhunzawm zel a beisei thu a sawi.

Sunak-a'n a cabinet minister atana a ruat ṭhen­khat chuan sawisel an tawk chho a, eptu party-te chuan home secretary Suella Braverman chu bang turin an phut mek a ni.