China President-in an sipaite indo tura inpeih reng turin ti

China president Xi Jinping chuan an ram sipai, People's Liberation Army (PLA) te chu an theihnate tipung zel a, indona hmachhawn leh hnehna chang tura inpeih reng turin a ti.

Kum 69 mi, Xi hi a term thumna atan rorellai, Communist Party of China (CPC) general secretary atan thlan a ni a; Central Military Commission (CMC) head a ni bawk.

China rama dinhmun ropui leh thilitithei pathum, rorellai party hotu, sipai hotu lu ber leh an ram President dinhmun chelh mekin, Xi hi party founder Mao Zedong tih lohah heng dinhmun pawimawhte kum 10 chuang chelh thei awmchhun a ni.

Thawhlehni khan President Ji hian Beijing-a CMC joint operations command centre tlawhin, an ram sipaite hnenah thuchah hi a sawi a ni. Sipaite chu inring renga an awm a ṭul thu te, an intihchak belh zel a, an tihturte an hlenchhuah zel a ngai a ni, a ti. PLA chu kum 2027-ah world-classed armed force-a siam turin sipai hotute pawhin ṭan an lak a ngai tih a sawi. "He kan thil tum tihlawhtling ngei tur hian kan vaiin kan theihtawp kan chhuah a ngai a ni," a ti.