Australia ram kang nungcha tld thum velin tuar

World Wide Fund for Nature (WWF)-in report a tihchhuah tharah, nikuma Australia rama ramkang nasa tak thlengah khan nungcha tluklehdingawn thum vel chu thi leh, chin hriat lohin an awm phah niin a tarlang. Nikum nipui aṭang khan Australia-a state tinah ram kang hi a thleng a, ram ngaw tam tak kangin, mihring 33 in an thih phah bawk. Nikum September aṭanga kumin February thlenga ram kangah hian ram hectare maktaduai 11.46-a zau a kang hman a ni. WWF chuan nungcha thi leh chin hriat loha awm zui zat dik tak chu hriat a har tih sawiin, mahse kangmei chhuah hmaa ramsa awm zat aṭanga an chhut a ni tih an sawi.