Khawvela thu ziak upa ber hmuchhuak

Israel rama archeologist-te chuan Nilaini khan khawvela thuziak upa ber nia sawi an hmuchhuak.

Archeologist-te hian kum 3,700-a upa, ivory samkhuih an hmuhchhuaha hawrawp 17 hmanga thuziak hi an hmu a ni. He samkhuih hi cm 3.6-a sei leh cm 2.5-a hlai niin, a ha 14 a awm. Israel ancient city, Lachish-a an laihchhuah a ni. Samkhuih-a thu inziak hi Canaanite alphabet niin, hawrawp 17 a awm. Hei hi sentence puitling thuziak hlui ber nia sawi a ni. A thu inziak hi, 'He ngho hian sam leh hmuihmula hrik awmte chu khuih chhuak vek rawh se," tih niin, sam khuih tura mipuite fuihna thu a ni.