Nepal-in China nena project siam titawp

Nepal chuan China firm nena Budhi Gandaki hydropower project thawk tura inremna an siam chu a titawp.

Nepal Deputy Prime Minister Kamal Thapa chuan project thawk tura inremna an siampui, Chinese company, Gezhouba Group chu thil dik tawk lo leh langtlang loa thil kalpuiah puhin, cabinet meeting chuan inremna an lo siam tawh hi a titawp ta a ni, a ti.

Budhi Gandaki Hydropower Project hi storage type project niin, Nepal-a Central/ Western Development biala Budhi Gandaki River-a siam tum a ni. He proejct thawh tur hian kum khat leh a chanve liamtaah khan Gezhouba Water & Power (Group) Co Ltd (CGGC) company chu phalna pek a lo ni tawh a ni.

He inremna hi Prime miniter hlui, Pushpa Kamal Dahal kaihhruai Moaist sorkar laia siam a ni. Kamal Thapa chuan he inremna hi hmanhmawh leh ngaihtuah chiang mang loa siam a nih thu a sawi. Chinese company hnena contract pek hian sawisel pawh a hlawh hle niin a sawi.

Cabinet meeting chuan Indian firm pahnih, 900 MW hydropower plant siam hna thawk mek, GMR Energy leh Sutlej Jal Vidyut Nigam te chu thla ruk dang hun pek belh a remti bawk.