SKorea lama tlanchhia NKorea sipai kap

North Korea sipai pakhat, South Korea lama tlanchhiat tum chu NKorea sipaite'n an kap zui.

US kaihruai United Nations Command (UNC) chuan he thil hi Thawhṭanni-a thleng a nih thu a sawi. NKorea sipai hian Korea ram pahnih inṭhenna lai, sipaite'n uluk taka an ven bulah a motor chu khalh pheiin, motor aṭang hian chhukin ramri paltlanga South Korea lama kal tumin a tlanchhe ta a ni. Mahse NKorea lam aṭangin sipaite'n an kapzui a, ṭum ruk zet kahfuh a nih thu UNC chuan a sawi.

South Korean Joint Chiefs of Staff official chuan North Korea border guard-te hian silai hi ṭum 40 vel an kap hman niin a sawi.

NKorea sipai kahhliam hi SKorea sipai pathum chuan hliam na tak tuara a tlu hi hmuin, helicopter hmangin hospital-ah hruai a, zai nghal a ni. A enkawltu doctor chuan silai mu parukin a fuh thu leh, a dulah hliam na tak a tawrh thu a sawi.