School bula inkahna thlengah mi panga thi

US-a north California-a elementary school bula inkahna thlengah mi panga an ni. Thi zingah hian silai hmetpuaktu pawh a tel.

Inkahna thlenna hmun hi state khawpui, Sacaremento hmarlam km 190 vela hla, Rancho Tehama-ah a ni a, police-te chuan an ram sana a Thawhlehni zing dar 8 velah elementary school bulah silai ṭum eng emaw zat hmehpuah a nih thu an dawng tih an sawi. Tehama County assistant sheriff Phil Johnson chuan hliam tuar pasarih an awm a, an zingah hian naupang pathum an tel niin a sawi. Joshnson chuan school-a naupangte chu hmun him lamah sawnchhuah nghal an nih thu a sawi bawk.

Silai hmetpuaktu hi kum 50 mi vel niin, in lamah buaina an neih avangin tlanchhuakin, school bula kalte chu a pawng kah ta niin an sawi. Pawikhawihtu hian a hma pawhin an ṭhenawm khawvengte vauin harsatna a lo thlen fo tawh nia sawi a ni bawk. Police-te chuan inkahna thlenna hmunah hian semi-automatic rifle pakhat leh handgun pahnih an hmu a ni.