Myanmar report pawm lo

Myanmar sipaiten Rakhine state-a sipaite beihpui thlak chungchang a chhuina report a tihchhuah chu Human Rights Watch chuan a pawm lo tih sawiin, International Criminal Court chu a hrana Rohingya te chunga thil thlengte chhuichiang turin a phut.

Myanmar sipaite chuan Rakhine state-a sipaiten beihpui an thlaknaah, Rohingya civil mi thah an nei lo a, sipaiten Rohingya te khua halsak leh hmeichhiate an pawngsual nia sawi pawh a dik lo niin a tarlang a ni. August thla aṭanga beihpui an thlaknaah hian firfiak 376 thah an ni tih a tarlang bawk.

Human Rights Watch hotu, Brad Adams chuan thuchhuah siamin, Myamar thuneitute chuan an ram chhunga thil thleng chungchang rintlak takin a chhui lo tih a langchiang hle niin a sawi. Myanmar ram thuneitute chhui chiang turin International Criminal Court a inrawlh a hun tawh niin a sawi.