US-a airshow-ah thlawhtheihna 2 an insu

US-a Texas state-a air show neihnaah thlawhtheihna pahnih chu boruakah insuin an tla a, an kang zui bawk.

Inrinni liam ta khan air show hi Dallas khawpuiah Commemorative Air Force Wings Over Dallas show hi neih a ni a, thlawhtheihna insute hi World War II hunlai mi, Boeing B-17 Flying Forterss bomber leh Bell P-63 Kingcobra fighter te an ni. Official lam chuan he chetsualna thlengah thi leh hliam awm zat an tarlang lo.

Military aircraft hluite hmanga airshow neih ṭhin hi a him tawk lo nia sawi a ni fo. Kum 2011 khan Reno, Nevada-ah P-51 Mustang chu tla in mi 11 an thi a, kum 2019 khan Hartford, Connecticut-ah bomber tlain mi pasarih an thi bawk.

National Transportation Safety Board (NTSB) chuan kum 1982 aṭang khan World World-II era bomber-te telna airshow buatsaihah ṭum 21 chetsualna thleng tawhin, mi 23 in an thihphah tawh tih a sawi.