Istanbul-a bomb puaka mawhphurtua puh mi 22 man

Turkey police-te chuan Pathiannia central Istanbul-a bomb puak, mi pariat an thihna leh mi 81-in hliam an tawrhnaa mawhphurtu nia rinhlelh mi 22 an man. 

Interior minister Suleyman Soylu chuan  awhṭanni khan an rinhlelh man zingah hian vantlang hmuna bomb hnutchhiahtu a tel thu a sawi. Soylu chuan Pathiannia Istiklal Avenue-a bomb tipuaktuah Kurdistan Workers Party (PKK) pawl chu puhin, "An zirchianna aṭangin pawikhawihna inṭanna chu Syria hmar lam, Ayn al-Arab [Kobane] aṭangin a ni," tiin, "He pawikhawihna rapthlak tak thlenga mawhphurtu chu kan thungrul ngei ang," a ti.

Hetih lai hian Pathiannia pawikhawihna hi eng pawl mahin an tih a nih thu an la puang lo. Tu r k e y p re s i d e n t R e c e p Tayyip Erdogan chuan Istanbul-a pawikhawihna chu mi tenawmte thiltih anih thu leh, fi rfi aka chetna rim nam tiin a sawi. President hi Indonesia-ah G20 summit hmangin a thang mek a, a thudawn dan aṭang chuan pawikhawihnaah hian hmeichhia pawh a inrawlh ngei tih a hriat thu a sawi.

Istanbul leh Turkey khawpui dangte hi tunhma lamah pawh Kurdish separatists, ISIL (ISIS) bakah, helpawl dangin an lo bei fo tawh a, kum 2015 leh 2016 khan pawikhawihna liantham tak tak an lo thlen tawh a ni. December 2016-a Istanbul football stadium pawna bomb tihpuahnaah khan mi 38 an thi a, 155-in hliam an tuar. He pawikhawihna hi PKK peng pakhat chuan an tih a nih thu an sawi. PKK hian kum 1980 chho aṭangin Turkey-ah Kurdish mite inrelbawlna hran neih phutin campaign an kalpui a; Turkey, European Union leh United States ramte chuan fi rfi ak pawlah an puang tawh bawk a ni.

Istanbul-a bomb puak hi Azerbaijan, Egypt, France, Greece, Italy, Pakistan, Ukraine, United Kingdom leh US chuan an dem thu an tichhuak.