Keystone Pipeline aṭangin oil tam tak pût

US-a South Dakota-ah Keystone Pipeline aṭangin oil gallon 210,000 zet a pût a, hei vang hian Pipeline hi Ningani aṭang khan khar lailawk a ni.

Official-te chuan oil puût chhan hi an chhui mek a, tun ṭum hi Keystone Pipeline aṭanga oil a put tam ber ṭum a nih thu Department of Environment and Natural Resources thupuangtu chuan a sawi.

Pipeline enkawltu, TransCanda chuan pipeline khar hma hian gallon 210,000, barrel 5,000 vel zet a pût hman tih a sawi. A pûtna lai hi minute 15 chhunga siam a nih thu a tarlang bawk.

Keystone pipeline hi Taxas aṭanga Canada thlenga phum tum a ni a, mahse pipe leak hlauhthawn avangin mi tam takin an dodal a ni. Nebraska Public Service Commission chuan kar leh khian he pipeline hi an state kaltlang tir an phal dawn leh dawn loh chungchanga thutlukna a puang ang.