Second 20-a chhuah hma vangin thupha chawi

Japan rail company, Metro-politan Intercity Railway Company chuan Tokyo leh Tsukuba inkara an rel tlantir, Tsukuba Express line chu a chhuah hun tur aia second 20-a a tlanchhuah hma avangin thupha a chawi.

Company thuchhuah chuan Tsukuba Express hi November 13 khan Minami Nagareyama Station aṭanga chawhma dar 9.44.40-a tlanchhuak tur a nih laiin, 9.44.20 ah zawk a tlanchhuak tih a sawi a, hei hi an thawktuten tlanchhuah hun tur an enfiah uluk tawk loh vang a ni, a ti. An hun an vawn dik loh avangin customer-te chungah thupha an chawi takzet tih an sawi a, hetihlai hian he thil thleng vang hian customer zinga complaint thehlut an awm lo.

Japan railways hi hun an vawn dik leh an rintlak avangin khawvel huap pawha hriat hlawh an ni. Tsukuba Express hi kum 2005, August thla aṭang khan tlantir ṭan a ni a, darkar khata mel 81 thlenga chakin a tlan thei a, nitin khualzin 230,000 chuang a phur ṭhin a ni.

Tokyo leh Kobie khaw inkar rel tlan, Tokaido line chu khawvela rel lun ber niin, kum khatah khualzin maktaduai 150 dawn a phur kual a ni