Yemen-ah nitin naupang 130 thi

International aid group, Save the Children chuan tualchhung indona thlen mekna, Yemen ramah chuan rilṭam leh natna vangin nitin naupang 130 zel thi ang an nih thu a tarlang. Save the Children chuan Saudi Arabia kaihhruai Arab ṭangrual ramten Yemen-a Shiite ho laka beihpui thlak a, Yemen kalpawhna hrang hrangte an danchah hnuin thi zat hi an pung chak hle tih a sawi. Kumin chhungin Yemen-ah hian naupang 50,000 chuang an thi tawh tih a tarlang. Nilaini khan World Health Organization, UN children's agency leh World Food Program chuan thuchhuah inṭawm siamin, chhawmdawlna thawn luh anih theih nan kawng an dante titawp turin an ngen.