Rohingya-te khua leh tui nihna pe turin ngen

United Nations committee chuan Myanmar thuneitute hnenah Rohingya Muslim-te laka sipaiten beihpui an thlak mek titawp tur leh, Bangladesh rama tlanchhiate an kir leh theihna tura hma la tur te, Rohingya te khua leh tui diktaka pawm turte in a ngen. UN human rights committee chuan Myanmar sorkar ngenna resolution siam ngaihtuahin vote an la a, member 135 in thlawpin a duh lo lamah vote 10 a tla a, member 26 an hai thung. Vote laknaah hian Myanmar ṭhenawm hnai China bakah Russia, Philippines, Vietnam leh Laos te an tel lo thung. He resolution hi member 193 awmna, UN General Assembly-ah December hian ngaihtuahin vote lak a ni ve leh ang.