Turkey President-in US policy sawisel

Turkey President Recep Tayyip Erdogan chuan Syria-a US policy kalpui dan chu na takin a sawisel.

Erdogan chuan US hi chu a ram aṭanga km 12,000 chuang zeta hlaa ram buainaa a inrawlh chhan a zawt a, US chu a thutiam te bawhchhe foah puhin, an ram chu bum an tum niin a puh.

US hian Islamic State (IS) firfiakte laka beihpui a thlaknaah, firfiakte beitu Syrian Kurdish group PYD chu a pui ṭhin a, mahse Turkey chuan PYD hi Kurdish biala inlakhran duhtu pawl nen inzawm niin a puh a ni.

Turkey sorkar thlawptu media-te chuan US hi IS te puiah an lo puh fo tawh a, tunhnaia report an tihchhuahah pawh Syrian Kurdish hel leh US sipaite chuan Syria-a Raqqa khua aṭangin IS firfiak leh an chhungte eng emaw zat an tlanchhiat an lo phalsak tawh niin an sawi.