Indo titawp tura ruahmanna siam turin G20 ngen

Ukraine president Volodymyr Zelenskyy chuan Group of 20 (G20) hruaitute chu Russia in an ram a do mek tihtawp tura ruahmanna siam turin a ngen.

Nimina G20 summit neihna video link kaltlanga thu a sawiah, President Zelenskyy chuan UN Charter leh international law behchhanin indo hi titawp a ngai tawh a ni, a ti. Indo tihtawp a nih loh chuan, nitin Ukraine mi an thih belh zel a, khawvel ram himna a derthawng zel a, Russia ram inlulinna avangin nitin thil tam tak hloh belh zel niin, hei hi khawvel pum tan hlohna a ni zel a ni, a ti.

Ukraine President chuan international law ṭha zawka kalpui a nih theihna atan te, nuclear safety, food leh energy security atan a ṭul anga hma la thuai turin G20 hruaitute a ngen.