Syria-ah chhawmdawlna thawn lut

China chuan Syria hmarthlang lam, Lataka-a tualchhung indona thleng tuartute chhawmdawlna turin buhfai ton 1,000 a thawn.

China hian Syria mipuite ṭanpuina turin buhfai ton 5,404 thawn luh a lo tiam tawh a ni.

Damascus-a Chinese Embassy chuan thuchhuah siamin, Syria mipuite ṭanpuina tur hi a rang thei anga thawn luh belh zel an tum thu a sawi. Thawhṭanni khan China palaite chuan Latakia khua hi an tlawh a ni.

Latakia Governor Ibrahim Khudr Salem chuan China sorkar leh China mipuite chungah lawmthu a sawi. Chinese ambassador Qi Qianjin chuan Syria mipuiten hun harsa tak an tawh mekah, China chuan a theih anga a puih zel tur thu a sawi.

China hian kum 2011 aṭang khan Syria hi a lo chhawmdawl tawh a, Syria rama kum ruk zet tualchhung indona thleng vanga mipuite harsatna tawh tihziaawm a nih theihna turin UN organization hmalaknaah pawh a thawhpui a ni. Humanitarian organization hrang hrang a t thawhpui bakah, midang kaltlang loin Syria ṭanpui tur hi a pe fo bawk.