Israel air drill-ah ram pariat tel

Israel Air Force-in kar hmasa a air-drill lian ber a buatsaihah ram pariat an tel. He air drill hi 'Blue Flag 2017' tih vuah a ni a, Israel chhim lama Ouvda Air Force Base-ah neih a ni. He hunah hian ram pariat aṭangin mi 1,000 chuang an tel a, jet , drone, helicopter bakah air defence te hman a ni. Blue Flag 2017-a ram dang tel zingah German, Indian leh French Air Force-te chu an tel ṭum khatna a ni. Anni bakah Israel, US, Poland, Italy leh Greece te an tel a ni.