Trump-a'n 2024 US President thlanah chuh leh a tum

US president hlui Donald Trump chuan kum 2024-a US President thlanna neih turah chuh leh a tum dawn tih a puang.

Thawhlehnia Florida-a Mar-a-Lago estate-a thu a sawiah, Trump chuan America siam ropui leh turin, US president thlanna lo awm leh turah chuh a tum tih a puang. Kum 76 mi ni tawh, Trump chuan inthlana chuh leh a tum chhan chu khawvelin America ram ropuina dik tak a la hmu lo a, hei hi hmuhtir a tum niin a sawi.

America chu an dah pawimawh hmasak ber tur a nih thu a sawi a ni. "Kum hnih liam taah khan ram ropui tak kan ni a, he dinhmun hi kan ni chho leh ngei dawn a ni," a ti.

Trump hian President thlannaah chuh leh a tum thu puang mah se, Republican presidential candidate ni pha turin a beih chhoh a ngai dawn a ni. Kum 2024 nipuiah Republican nominee hi thlan fel a ni chauh ang.

Republican pre­sidential candidate hi Florida governor Ron DeSantis bakah, Trump-a vice president hlui Mike Pence-te pawhin chuh an tum rin a ni.