Mosque-a thlalakin sawisel hlawh

Israel mi, Ben Tzion-an Islam ho hmun thianghlim pakhat, Medina-a Prophet Mosque-a a thlalak a Facebook page-a a dah chu Arab miten an sawisel nasa hle.

Russia-a piang, kum 31 mi Ben Tzion hian kum 2014 khan Israel citizen nihna a nei a, Iran, Lebanon, Saudi Arabia leh Jordan te tlawhin, a thlalakte hi a Facebook-ah a dah a, a thlalak dahchhuah zingah hian Mosque chhunga a lak pawh a tel a ni.

Muslim ni lote chu Mecca an tlawh khapsak an nih bakah, moque tam tak awmna central Medina pawh tlawh lo tura tih an ni. Hetih laia Medina mosque-a a thlalak a tarlang hi Muslim-te chuan a lawm lo hle a ni. Mahse Tzion chuan Medina-a sakhaw hmun hrang hrangte chu mipui tlawh theih tura hawn a ni tih a sawi thung. Muslim ram tlawhkual chu a tihphung ve a nih thu sawiin, ramdang culture leh sakhuate chu a zahsak hle tih a sawi bawk. Arab ram a tlawhkualnaah pawh hian tumahin enhrang loin, ṭha taka an lo dawnsawn thu te, Israel ram leh Juda mite an ngainat thute pawh an lo hrilh ṭhin niin a sawi.