Lebanon-ah Hariri a kir

Lebanon Prime Minister Saad Harri chu Thawhlehni zanlai khan an ram khawpui, Beirut-ah a kir leh ta.

Saad Hariri hian Saudi Arabia-a a zin laiin PM aṭanga a ban thu hi a puang a, a ban thu a puan hnuah Lebanon rama a kir lehna hmasa ber a ni. Lebanon hruaitute chuan banna thehlut tur hian Saudi Arabia sorkarin a nawr lui niin an sawi a, Lebanon President Michel Aoun chuan hmaichhana an inhmuh a, a banna lehkha hi a hnenah a thehlut a nih loh chuan a pawm dawn lo tih a sawi tawh bawk. 

Hariri chuan Saudi Arabia sorkarin a nawr luih loh thu leh, an ram sorkar inrelbawlnaah Iran leh Iran thlawp, Hezbollah helpawlte an inrawlh nasat vang te, a nunna atana a derthawn vang tea bang niin a insawi thung. Kar kalta Inrinni khan Saudi Arabia aṭangin France a pan a, France President Emmanuel Macron nen an inkawm a ni. France-a a awm lai hian Lebanon-a a kir leh tur thu leh, an ram independence day lawmnaa a tel tum thu te, President Anoun hnenah a dinhmun dik tak hrilhchian a tum thute a sawi a ni.