December-ah Parliament thlasik ṭhutkhawm nei dawn

Sorkar laipui chuan December thlaah Parliament Winter Session a ko dawn a, a ni tur pawh puan a ni thuai dawn niin Parliamentary Affairs Minister Anath Kumar chuan a sawi. Parliament winter session hi dan pangngaiah chuan November chawlhkar thumnaah nei ṭanin, December chawlhkar thumna thleng neih a ni ṭhin. BJP kaihhruai NDA sorkar hian Gujarat assembly inthlan neih dawn vangin Parliament session hi a tihtlai phah nia sawi a ni a, hei hi chhangin Kumar chuan Congress kaihhruai UPA sorkar laiin kum 2008 leh 2013 khan winter session hi December thlaah neih a lo ni tawh a ni, a ti.