Driver ngai lo bus hmang dawn

Singapore chuan kum 2022 aṭangin driver khalh ngai lo bus service tir a tum. Nanyang Technological University chuan an campus-ah driverless bus hi a hmang ṭan tawh a ni.

Sorkar chuan driverless bus hi hmun pathum, mipui thawlna lai deuh hmunah enchhin hmasak a ni dawn tih a sawi. Driverless technology hian Singapore khawpui chep takah mipuite veivahna kawngah leh, hnathawktu indaihlohna pawh a tihziaawm phah beisei a ni.

Transport Minister Khaw Boon Wan chuan driverless bus service tir tur hian public transport system pawh a tihchangtlun phah dawn a, a bikin kum upa lam te, chhungkuaa kalchhuakten an chhawr dawn hle a ni, a ti. Singapore-ah hian driverless taxi pawh enchhin a lo ni tawh bawk.

Singapore-ah hian road tax a san avang leh, sorkarin public transport uar tura policy a kalpui avangin Southeast Asia ram dangte aiin traffic pawh a tawt lo zawk a ni. Driverless technology kawnga a hmahruaitu nih tumin hma a la mek a ni.