Hmeichhe chunga tharum thawhna hluarna Latin America

UN Women leh UN Development Programme (UNDP) report-in a tarlan danin, Latian America leh Carribean te chu hmeichhiate chunga tharum thawhna thlen hluarna ber an ni. A bikin Central America leh Mexico chu hmeichhe tan hlauhawm zual bika nia sawi a ni. UNDP gender mission hotu, Eugenia Piza-Lopez chuan Latin America-a hmeichhiate chunga tharum thawhna thleng ṭhin chu a nasa hle a, khawvela hmeichhiate pawngsual thlen hluarna ram 10 zinga pathum chu Carribean-a awm an ni, a ti. Latin America leh Carribean-a ram 33 zinga 24-te chuan domestic violence khapna dan siam mah se, heng zinga ram pakua-te chauhin an pass a ni.